AI ასისტენტი ახლა თქვენს ანგარიშთან მუშაობს — Claude-სა და ChatGPT-შიც

აქამდე ასისტენტმა საქართველოს საგადასახადო წესები იცოდა, მაგრამ თქვენი ციფრები — არა. კითხვაზე „რა სტატუსი მაქვს?“ მხოლოდ აპლიკაციაში გადაგამისამართებდათ. ახლა, თუ სისტემაში შესული ხართ, ის პასუხისთვის თქვენს მონაცემებს Taxocat-ში ათვალიერებს და რუტინულ საქმეს თავად აკეთებს.

რისი კითხვა შეგიძლიათ

• „რა სტატუსი მაქვს?“ რომელი თვეების დეკლარაციაა წარსადგენი, რამდენია თითოეულის გადასახადი და რა ვადით.
• „რამდენი მაკლია ამ წელს 500 000 ლარის ლიმიტამდე?“ თქვენი ბრუნვა დღემდე — თქვენივე შემოსავლების მიხედვით.
• „1 ოქტომბერს კლიენტმა 1 200 USD გადამიხადა“. ასისტენტი დაამატებს შემოსავალს და ლარში გადაიყვანს საქართველოს ეროვნული ბანკის იმ დღის ოფიციალური კურსით.
• „3 სექტემბრის შემოსავალი 950 EUR-ით შეცვალე“. ის შეასწორებს თანხას, თარიღს ან ვალუტას იმ თვეებში, რომლებიც ჯერ არ წარგიდგენიათ.
• „მოამზადე სექტემბრის დეკლარაცია“. ის შექმნის დეკლარაციას ამ თვის შემოსავლებიდან და გეტყვით გადასახადს.
• „სექტემბერი rs.ge-ზე თავად წარვადგინე, მონიშნე წარდგენილად“. ის განაახლებს სტატუსს Taxocat-ში.

წერეთ ჩვეულებრივად — ქართულად, ინგლისურად ან რუსულად. თუ რამე გაურკვეველია, მაგალითად თარიღი ან ვალუტა, ასისტენტი დაგიზუსტებთ.

ბოლო სიტყვა თქვენზეა

ცვლილებები, რომელთა გაუქმებაც რთულია, თქვენს დადასტურებას ელოდება. როცა ასისტენტს სთხოვთ შემოსავლის წაშლას, დეკლარაციის წარდგენილად მონიშვნას ან ამ ნიშნის მოხსნას, ის გაჩვენებთ, ზუსტად რას გააკეთებს — მაგალითად, „წაიშალოს შემოსავალი 1 200,00 USD, 2026-10-01?“ — და ღილაკებს დადასტურება და გაუქმება. სანამ დადასტურებას არ დააჭერთ, არაფერი შეიცვლება, 15 წუთის შემდეგ კი მოთხოვნას ვადა გასდის.

ზოგი რამ განზრახ აპლიკაციაში რჩება: დეკლარაციის rs.ge-ზე წარდგენა, rs.ge-ის დაკავშირება და თქვენი პაროლი. ამ შემთხვევებში ასისტენტი საჭირო ეკრანზე მიგითითებთ.

საიტზე და Telegram-ში

• საიტზე: სისტემაში შესვლის შემდეგ გახსენით AI ასისტენტი. გვერდები „შემოსავლები“ და „მთავარი“ მაშინვე ახლდება, როგორც კი ასისტენტი რამეს შეცვლის.
• Telegram-ში: მისწერეთ @taxocat_bot-ს. თუ თქვენი Telegram Taxocat-ის ანგარიშთანაა დაკავშირებული, ბოტიც თქვენს მონაცემებთან მუშაობს, დადასტურება კი ცალკე შეტყობინების ქვეშ ღილაკებით მოდის. ჯერ არ დაგიკავშირებიათ? ბოტში დააჭირეთ Taxocat-ის გახსნას და შედით Telegram-ით.

სისტემაში არ ხართ შესული? ასისტენტი კვლავ პასუხობს ზოგად კითხვებს გადასახადებსა და ინდმეწარმეებზე და გეტყვით, როცა პასუხისთვის თქვენი ანგარიშია საჭირო.

Claude-ში, ChatGPT-სა და სხვა AI აპებში

უკვე იყენებთ საკუთარ AI აპს? დაუკავშირეთ მას თქვენი Taxocat ანგარიში და ის შეძლებს თქვენი მონაცემებით პასუხს და იმავე საქმის კეთებას: სტატუსის ჩვენებას, შემოსავლის დამატებასა და შესწორებას, დეკლარაციების მომზადებას.

• Claude: გახსენით Settings → Connectors, აირჩიეთ Add custom connector და ჩასვით https://api.taxocat.com/mcp.
• ChatGPT: გახსენით Settings → Apps & Connectors, Advanced settings-ში ჩართეთ Developer mode, შემდეგ აირჩიეთ Create და ჩასვით იგივე მისამართი. Developer mode-ისთვის შეიძლება ფასიანი გეგმა დაგჭირდეთ.
• Claude Code, VS Code და სხვა აპები, რომლებიც MCP კონექტორებს უჭერს მხარს: დაამატეთ https://api.taxocat.com/mcp დისტანციურ სერვერად.

აპი გახსნის Taxocat-ის გვერდს, სადაც ჩანს, რომელი აპი უკავშირდება და რისი გაკეთება შეეძლება. საჭიროების შემთხვევაში შედით სისტემაში და დააჭირეთ დაშვებას. თქვენი Taxocat-ის პაროლი აპს არ გადაეცემა.

თქვენი AI აპი Taxocat-ის ყველა ხელსაწყოს სახელით გაჩვენებთ, მაგალითად List incomes ან Delete income, და თავად ირჩევთ, რომელი იმუშაოს კითხვის გარეშე, რომელს დასჭირდეს თქვენი თანხმობა და რომელი დაიბლოკოს. შემოსავლის წაშლა და წარდგენის ნიშნის შეცვლა კვლავ დადასტურებას ითხოვს; თუ აპს ამის კითხვა არ შეუძლია, ის შემოგთავაზებთ, მოქმედება Taxocat-ის ასისტენტში ან ბოტში დაასრულოთ.

აპის გასათიშად გახსენით ანგარიში → დაკავშირებული აპები. წვდომა მაშინვე შეწყდება.

რა ხდება ჩემს მონაცემებთან?

• ასისტენტი მხოლოდ თქვენს მონაცემებს კითხულობს და მხოლოდ თქვენს კითხვაზე პასუხის გასაცემად. ის, რასაც პასუხისთვის კითხულობს, კითხვასთან ერთად იგზავნება Google-ის ხელოვნური ინტელექტის სერვისებში — ისევე, როგორც აქამდე იგზავნებოდა თქვენი კითხვები.
• rs.ge-ის მომხმარებლის სახელი, პაროლი და სესია მისთვის მიუწვდომელია.
• მიმოწერას არ ვინახავთ. საიტზე ისტორია ბრაუზერის ჩანართში რჩება და სისტემიდან გასვლისას იშლება.
• Claude-ში, ChatGPT-სა და სხვა დაკავშირებულ აპებში წაკითხული მონაცემები ამ აპსა და მის AI პროვაიდერთან ხვდება, მიმოწერა კი მათი წესებით ინახება.

დეტალები იხილეთ ჩვენს განახლებულ კონფიდენციალურობის პოლიტიკაში.

სცადეთ ახლავე

შედით სისტემაში და ჰკითხეთ ასისტენტს: „რა სტატუსი მაქვს?“ — ან იგივე კითხვა გაუგზავნეთ @taxocat_bot-ს.

კითხვები ან იდეები? მოგვწერეთ საზოგადოების ჩატში @taxocat.